NIGHT OF THE SPECIAL STARS REVUE - KLERKSDORP
Triest Training Centre vir intellektueel gestremde volwassenes nooi almal uit na hulle Revue Night of the special Stars.
* 26 Oktober 2017
* 19:00
* Curro skoolsaal.
* Toegang R20pp
Aand van groot groot pret, lekker musiek en dans. Daar sal lekkergoed pakkies, koeldrank, Jaffles, vetkoek met maalvleis en tuisgebakte pasteie verkoop word van 18:00 af. Kom eet sommer daar voor die vertoning. Navrae Johan of Jackie 018 468 6741
LAERSKOOL OTTOSDAL - 100 JAAR VIERINGE
Die laerskool op Ottosdal word 100 jaar oud en hulle hou n fees die naweek van 27 Oktober tot 29 Oktober. Vrydagaand vind n kenmekaar plaas met n braai en kuier. Saterdagoggend is n kermis en Saterdagaand is n langtafel ete teen R100 per volwassene en R60 per laerskoolkind. Sondagoggend sal die naweek afgesluit word met n erediens gelei deur een van die skool se oudskoliere. Alle oudskoliere van die laerskool op Ottosdal en hulle families word genooi om deel te wees van hierdie geskiedkundige gebeurtenis. Verblyf is ook beskikbaar. Skakel Esje Du Plessis by 082 570 5608 vir navrae.
BRAAIFEES - PARYS
Parys Hervormde gemeente bied op 28 OKTOBER n mini-braaifees aan met n spesiale klein braaier op die dag gekoop kan word. Die braaiertjie is spesiaal gemaak vir n kind en kos maar slegs R55 wat houtskool en n lekker stuk boerewors insluit! Jy betaal R40 as jy slegs die braaiertjie wil aankoop. Die FEES begin om 8uur en om 10uur word die braaiertjies aangesteek! Op die dag sal ook ander eetgoed soos sosaties, lewerkoekies, pannekoek, poeding, koeke, aartappel op n stok, lekkergoed en kinderpret aangebied word. Maak seker jy mis nie die grootste braaifees in Parys nie! Kontak gerus die kerkkantoor van die Parys Hervormde gemeente vir meer inligting by 056 811 5026.
EEUFEES GHOLFDAG - POTCHEFSTROOM
Die NG Kerk Potchefstroom Mooirivier hou hulle EEUFEES GHOLFDAG op Vrydag 3 November. Die inskrywingsfooi is R1200 per vierbal wat verversings insluit. Die formaat is n SHOTGUN BETER BAL afslaan om 11:00 by die Potchefstroom Buiteklub. Daar is verskeie pryse op die spel. Skakel Estie by die kerkkantoor op Dinsdae, Woensdae en Donderdae tussen 8vm en 1nm om in te skryf.
NAJAARSRUS BASAAR - PARYS
Najaarsrus se basaar vind op Saterdag 4 November vanaf 08:00 plaas. Ondersteun hulle gerus.
PAWS MARK - POTCHEFSTROOM
PAWS (Potchefstroom Animal Welfare Society) hou hul maandelikse mark op 5 November te Viljoenstraat 2, Potchefstroom vanaf 10h00 tot 14h00. Kom gerus en koop van die heerlike eetgoed terwyl jy deur die stalletjies snuffel na iets ouliks. Mikro-skyfies is ook weer beskikbaar teen slegs R100. Kom stap ook gerus met die vele diere wat op hok is en wat smag na 'n bietjie aandag en liefde (bring net jou eie leiband saam asb). Stalletjies ook nog beskikbaar. Jy kan Corne kontak by 0827398154 of e-pos corned@sassa.gov.za.
MOVEMBER FEES - KLERKSDORP
Die Hervormde Kerk Klerksdorp-gemeente bied n MOVEMBER-FEES met Lieb Bester aan. (Dit is Prof van Villa Rosa). Die fees vind plaas Saterdag 4 November van 9uur by die Hervormde Kerkterrein in Ennisstraat (agter Unieskool). Manne groei n snor of baard! Dames plak een aan en kom skryf in om groot pryse te wen. Inskrywing is R50. Jy kan ook n uitspattige klere aantrek ten R10 per inskrywing en daar is pryse vir die mees oorspronklike uitrusting. Op die dag is daar genoeg eetgoed, heerlike gebak en vermaak vir oud en jonk. Vir die kleinspan word n inkleurkompetisie aangebied met R600 kontant vir die eerste plek en R1000 vir jou skool! Skakel gerus 018 462 3766 / 072 130 5091 vir meer inligting.
DANIE BOTHA - KLERKSDORP
Danie Botha tree op 17 November om 19:00 by die Herlewingsentrum in Klerksdorp se saal op. Hierdie is n fondsinsamelingsgeleentheid vir die Eventide Ouetehuis en kaartjies is R100 per persoon en kinders onder die ouderdom van twaalf jaar is gratis. Daar sal kerrie en rys die aand te koop wees. Kaartjies is by die Herlewingsentrum kerk en by Eventide Ouetehuis beskikbaar. Meer inligting by 08 33 974 302 of 082 851 9507.